دليلك في الخطوات الأخيرة لتشطيب شقتك بإحترافية

تشطيب الأسقف والأرضيات والدهانات هي اللمسات النهائية لتحديد شكل وحدتك السكنية في شقق بيت الوطن التجمع.

نقدم لك اليوم دليلاً متكاملاً للمراحل الأخيرة في تشطيب شقتك في منطقة بيت الوطن التجمع الخامس.

من أهم مميزات بيت الوطن التجمع توفر كافة مستلزمات التشطيب بالقرب من مسكنك.

الأسقف – بصمة جمالية مميزة:

يعتمد اختيار تشطيب السقف في شقق بيت الوطن التجمع الخامس على:

– الطراز العام للشقة (مودرن/كلاسيك) ده هيساعدك تعرف هتختار ديكور الأسقف والخامات اللي هتستخدمها في تشطيب السقف.
– مساحة الوحدة
– الميزانية المتاحة

خيارات تشطيب السقف:

1. المصيص التقليدي:
– فحص السقف من العيوب
– استخدام دهانات مط
– إمكانية إضافة بيت النور بيت النور فكرة حلوة ممكن تزودها في الديكور بس لو فيه عيوب واضحه في السقف إلغيه لانه بيظهر العيوب.

2. الجبس بورد العصري:
– لازم تدور على صنايعي شاطر وعنده ضمير لأن طريقة تركيب الجبسوم بورد أهم خطوة فيه
– استخدام خامات عالية الجودة الخامات المستخدمة كمان مهمة جدا لضمان مستوى جودة الشغل والفنش.
– تناسق التصميم مع الإضاءة إختار التصميم على حسب مساحة وتصميم شقتك وحاول توازن بين الإضاءات والجبسوم بورد.

الأرضيات – أساس الفخامة:

تتنوع خيارات الأرضيات في بيت الوطن التجمع بين:
– السيراميك والبورسلين
– الرخام الفاخر
– الإيبوكسي العصري
– الباركيه الخشبي

نصائح اختيار الأرضيات:
– حساب المساحة بدقة
– التعامل مع موردين موثوقين
– اختيار فنيين محترفين

الدهانات – اللمسة الأخيرة:

المرحلة الأخيرة اللي بتظهر جمال وحدتك..

قبل البدأ في الدهانات المحارة تستلمها من الصنايعي بدون اخطاء واتاكد من التقفيل في الأركان وعند علب الكهرباء، والمحارة تاخد وقتها في الجفاف.

خطوات الدهان المثالي:

– تيجي بقى مرحلة التجهيز للنقاشة: بنتاكد في البداية من نضافة الحوائط او عدم وجود شقوق.
ويبدأ الصنايعي بالصنفرة الخشنة.

ثم مرحلة التاسيس:
– سيلر بطانة للحوائط ثم طبقة اولى معجون وصنفرة متوسطة.
– طبقة ثانية معجون بـ لون مختلف ثم صنفرة ناعمة.
– التأكد من ان الحوائط خالية من العيوب تماما.