الخلاصة في تشطيب النجارة والمحارة

نصائح من متخصصين لتشطيب النجارة والمحارة في شقتك بأفضل جودة.

تشطيب المحارة:

بند المحارة في تجهيز شقتك من اهم البنود والخطوات، لأنه ضمان لقوة وصلابة الحوائط بالإضافة لانه بند تأسيس لبنود اخرى زي الـنقاشة.
تشطيب نهائي جيد= محارة جيدة

قبل البدأ في أي خطوة للمحارة بيتم معاينة الشقة لمعرفة وحسبة الكم المطلوب من المواد والخامات المطلوبة للمحارة وحساب التكلفة مثل (رمل – أسمنت – ومياه كافية للخلط)، ويجب مراعات تخزينها بشكل جيد.

نصائح عامة أثناء تشطيب المحارة :-

اتاكد من جودة المحارة في الأركان ومن جودة تقفيل المحارة حول علب الكهرباء وخراطيم الكهرباء.
رش الحوائط بالماء مهم ثم عملية الطرطشة المسمارية وذلك قبل المحارة
وأخيرا اتأكد من إستواء المحارة عن طريق ميزان الماء.

 تشطيب النجارة:

تجهيزات النجارة من اسهل الخطوات اللي ممكن تعملها في تشطيب شقتك
لإنها عبارة عن (الحلوق – نجارة الأبواب والشبابيك والبلكونات)
ده طبعا بيختلف لو هنستبدل بعض البنود بالألوميتال بدل الخشب

وإنت بتاخد مقاسات الأبواب متنساش تعمل حسابك في 15 – 10 سم علشان تركيب السيراميك
مهم في الأول تركب الحلوق وممكن تأجل خطوة الأبواب وباقي النجارة لحين الإنتهاء من بند المحارة لو قلقان على الأبواب من الضرر والتلف

باب الشقة كمان مهم تركبه حماية لشقتك، أثناء توضيب شقتك بتسلم نسخ من المفاتيح للصنايعية متنساش تغير الكوالين بعد الإنتهاء من تشطيب الشقة بالكامل.
انواع خشب الأبواب متعددة، إختار منها اللي يناسب ميزانيتك وراعي الجودة العالية، يعني الخشب ميبقاش فيه كسور او تشققات، لأنه عامل مهم لحماية بيتك وأسرتك ومهم يكون معاك نجار لاستشارته قبل الشراء.
هتلاقي خشب زان او خشب أرو من اجود واغلى الانواع في الأسواق.
فيه كمان خشب موسكي بأسعار مناسبة واشكال مختلفة
وممكن تستبدل الباب الخشب بالباب المصفح للابواب الخارجية (جودة وامان ومصنوع من الحديد والصلب) ومن افضل الانواع لابواب الشقق هو الباب المصفح التركي.

لمعرفة الخطوة الرابعة في تشطيب شقتك اضغط هنا.

لمشاهدة مشروعات الشركة يرجى الضغط على هذا الرابط

للدخول على صفحة الفيس بوك الخاصة بالشركة يرجى الضغط على هذا الرابط