ما هو نظام سمارت هوم وما فائدته ؟

سمعت كتير عن منزل بيشتغل بنظام سمارت هوم بس مش عارف هو ايه وبيشتغل ازاى؟

هشرحلك هنا ايه هو نظام سمارت هوم وفايدته ايه ؟

هو نظام بيسمح للمستخدم انه يتحكم فى الإنارة المنزلية و الأجهزة الكهربائية ويراقبها عن بُعد من خلال ابلكيشن على التليفونات الذكية عن طريق الانترنت.

بنستخدمه إزاى

الاول بيتم تركيب “موديول” فى البيت وهو جهاز صغير شبه الراوتر كده بيتم ربطه بالانترنت وبيسمى “المتحكم”.

بعد كده بتنزل الابلكيشن الخاص بالسيستم على الموبايل وبتقدر من خلاله تتحكم فى النور والاجهزة الكهربائية والتكييفات والستائر وكل شئ.

بتختار الامر اللى انت عايزه من على الموبايل واللى بيتنقل عن طريق الانترنت “للمتحكم” واللى بدوره بيقوم بتنفيذ الامر.

ايه مميزات السمارت هوم سيستم والتي تمتاز بها شقق بيت الوطن

التحكم الكامل فى المنزل حتى وانت خارج البيت:-

على سبيل المثال :-

لو انت فى رحلة تقدر وانت فى مكانك تشغل جهاز الامن و الانذار الخاص بالمنزل او تعدل درجة حرارة البيت او تطفى الانوار او تطفى التليفزيون او التكييف او المدفأة لو نسيتها يعنى تقدر تتحكم فى البيت كله وانت قاعد مكانك.

توفير فى المصاريف:-

السمارت هوم وسيلة فعالة لتخفيض المصاريف الشهرية زى مصروف الكهرباء لان عن طريق السيستم كل الآلات المتصلة بمصادر الطاقة بتتوقف بمجرد خروجك من المنزل او مثلا عند خروجك من غرفة معينة الانوار بتطفى وانت داخل الاضواء بتنور تانى فمش هتفضل تلف فى الشقة عشان تطفى الانوار المنسية واللى بتسحب كهرباء بدون داعى.

بيكون مفيد جدا فى الظروف الخاصة :-

لانه بيساعد اصحاب الاحتياجات الخاصة و المصابين بأمراض معينة انه يتحكم فى البيت كله وهو فى مكانه عن طريق التليفون ده غير ان بعض الانظمة يمكنها العمل بالاستجابة الصوتية فقط زى انك تسقف النور ينور او يطفى على سبيل المثال.

لكن للاسف لو حبيت تركب السمارت هوم هتضطر تكسر فى البيت كتير عشان تركب الوصلات اللى بتتوصل بالموديول اللى اتكلمنا عليه فوق وطبعا ده هيكلفك كتير.

وللميزات دى كلها وعشان دائما شركة إكستريم بتفكر فى راحتك قررت الشركة إنها هتسلم كل الشقق بتأسيس سمارت هوم سيستم للشقة بالكامل.