كيف تختار بيتك المثالي ؟
ازاى تختار بيتك ؟؟؟؟
دى أهم 10 مميزات اللى كل ما توافر عدد أكبر منها فى شقتك بتكون انت فعلا اخترت شقة مميزة.
1- الموقع :-امتى الشقة بيتقال عليها ان موقعها مميز؟
لو كانت بتبص على حاجة من دول 
ولو توافر فيها اكتر من حاجة بتتسمى
ولو توافر فيها اكتر من حاجة بتتسمىPrime Location
(على ناصية , بانوراما , على جاردن , على محور رئيسي , على ميدان , على شارع عرضه واسع )
2- المساحة :-اختار المساحة اللى تناسبك بس إهتم بتقسيمة الشقة وان الهدر فيها ما يبقاش كتير.
3- الخصوصية:-الخصوصية من الداخل ومن الخارج
أ- من الخارج :- ان الشقة ما تبقاش مجروحة من جيرانك.
ب- من الداخل :- ان الشقة من جوه تكون متقسمة بشكل يضمن الخصوصية لأهل البيت زى مثلا ان غرف النوم و المطبخ والحمامات ما تبقاش مكشوفة للضيوف.
4- واجهة المشروع ومدخل العمارة :-يكونوا على مستوى والتشطيب يكون بخامات جيدة تعيش فترة طويلة.
5- الصيانة :-ان يبقى فيه صيانة للمشروع لضمان بقاء المستوى ده على طول.
6- قرب المشروع من الخدمات:-لان ده هيوفر عليك وقت ومجهود وفلوس كتيرة…والخدمات دى زى مثلا ( المدرسة والجامعة و المستشفى والصيدلية والحضانة والمنطقة التجارية…)
7- الجراج :-ان يكون عندك جراج تحت البيت دى حاجة مهمة جدا لان بعد فترة الدنيا بتتزحم وبتبقى شايل هم الركنة يوميا.
8- سعر المتر :-ما تدورش على سعر المتر الأقل لان مش لازم عشان السعر قليل يبقى الشقة لقطة, لان ساعات سعر المتر القليل بيكون قدامه تنازلات كتيرة فى الموقع والتسليم والتشطيب او مشاكل كتير ما بتخلصش زى اتحاد الملاك…لكن دور دايما على السعر التنافسى وهو السعر مع الجودة…يعنى اختار المميزات اللى تريحك وابحث ان احسن سعر متر فيها.
9- التشطيب :-الشقق المتشطبة بتريحك من هم التشطيب والمناهدة مع الصنايعية وبتوفرلك كتير فى سعر التشطيب مقارنة لو هتشطب بنفسك لان الشركة بتبقى واخدة الخامات بالجملة..بس اهم حاجة تشترط انك تختار الألوان والديزاين على ذوقك.
10- أنظمة السداد:-اختار نظام سداد مناسب ليك من غير ما تضغط نفسك او تشيل نفسك فوق طاقتها …إحسبها صح.
