وحدة سكنية تحت الإنشاء ولا وحدة تامة البناء!

تشتري وحدة سكنية تحت الإنشاء ولا وحدة سكنية في عقار تام البناء؟

لو محتار ومش عارف تأخد قرار، في المقال ده هنساعدك ونعرفك ايه الحالات اللي تشتري فيها تحت الإنشاء والحالات اللي تشتري فيها وحدة تامة البناء.

ليه تشتري وحدة تامة البناء؟

– لو عايز تنقل لمكان سكن جديد خلال وقت قصير مثلا من شهر لـ 6 شهور بالكثير
– مش عايز تستثمر جزء من فلوسك ولا هدفك الربح.
– معاك مبلغ مالي كبير يساوي حق الوحدة وتقدر تدفع كاش او تقسيط على مدة سنوات قليلة (سنة مثلا).

ليه تشتري وحدة تحت الإنشاء؟

1- حاليا جزء كبير جدا من السوق العقاري شغال بالطريقة دي( بيع وحدات تحت الإنشاء)، وده لمصلحتك كعميل اولا لأنك بتقدر تشتري وحدة في عقار بموقع متميز ومساحة جيدة وتقسط على عدد سنوات اطول من الموجودة في الاستلام الفوري ( تصل الي 60 شهر ) ودا معناه حرية اختيار (المنطقة – الفيو – الدور)
2- فيه امكانية لتاجيل خطوة التنقل لسكن جديد .
3- عايز تستثمر جزء من فلوسك في عقار سعره يزيد على المدى الطويل وجزء تاني تستثمره في شئ مختلف عن العقارات.
4- المناطق الجديدة أفضل في موقعها او التنظيم والتخطيط والبنية التحتية والخدمات.

مميزات شراء وحدة تحت الإنشاء:-

– تسهيلات ليك كعميل:
مقدم بمبالغ مناسبة تبدأ من ( 25 % ) عكس الاستلام الفوري اللي بيكون كاش او بمقدم كبير
أنظمة سداد مختلفة بمدة طويلة تصل (لـ 60 شهر)

– هتشتري شقتك الجديدة في موقع متميز بأفضل سعر للمتر:
وحدة تحت الإنشاء يعني سعر منخفض للمتر بالمقارنة بعقار تام البناء في نفس المنطقة.

– إختيارات مختلفة للموقع:
انت مش ملزم بعقار في موقع معين لانه ده المتاح وتام البناء لكن انت قدامك اختيارات لمواقع تحت الإنشاء كثيرة اختار منها اللي يعجبك.

– المساحة والدور والتقسيم الداخلي للشقة على مزاجك:
الشركة المالكة للمشاريع تحت الانشاء بتعرض عليك مساحات متنوعة في ادوار مختلفة، تقدر تختار منها المساحة المناسبة لإحتياجك انت وأسرتك في الدور اللي انت عايزه سواء دور متكرر او أرضي بجاردن و تقسم الشقة بالتقسيم الداخلي المناسب ليك.

– خدمات إضافية:
– عدد كبير من الشركات المطورة والمالكة للمشروع بتقدم خدمات مجانية واضافية للمشارع تحت الإنشاء مش هتلاقيها في المشاريع تامة البناء، الخدمات او المميزات زي ( سمارت هوم – استوديوهات متشطبة – مخازن).