إزاي تأسس كهرباء شقتك صح بالخطوات؟

تأسيس الكهرباء بجودة وإحترافية في شقتك مهم جدا امانا ليك وتجنبا للمشاكل في شقة العمر.

أولا: خطوات تأسيس الكهرباء:

في البداية حاول تتخيل التقسيم الداخلي لشقتك (الأثاث)، ده هيساعدك في تحديد أماكن الإنارة – مفاتيح التكييف – الفيش – مدخل التليفون والإنترنت وهكذا..
بعد التقسيم تيجى مرحلة تثبيت العلب والخراطيم(مهم تثبيت العلب بالحصاء والمونة) والعلب متبقاش بارزة أو مدفونة بشكل ملحوظ, وبعد ذلك يتم سحب الكابلات والأسلاك داخل الخراطيم.

ثانيا نصائح عامة أثناء تاسيس الكهرباء:

– اشتري لوحة كهرباء كبيرة مثلا من 18 ل 24 خط، وحاول تخلي (إضاءة كل غرفة -التكييفات –الأجهزة) كل حاجة منهم على قاطع لوحده.
– زود مفاتيح كهرباء وبرايز في المطبخ وحاول تبعد الكهرباء عن أي مكان فيه ماء.
– قم بعمل مسارات لكاميرات المراقبة والإنتركم والتكييف حتى لو مش محتاجهم حاليا تجنبا للتكسير فى الحوائط فيما بعد.
– اعمل حسابك في كشافات الطواريء علشان لو النور قطع.
– متنساش لمبة الإشارة في لوحة الكهرباء علشان تعرف الكهرباء قاطعة عمومي ولا من عندك بس.

– اعمل فيش على مستويات متعددة وراعي الإستخدامات المختلفة.

تاسيس كهرباء الشقة